Januari 13, 2023 imefunguliwa Kesi Mpya ya Uhujumu Uchumi namba ECO.NO. 1/2023 Katika Mahakama ya Wilaya ya Kahama mkoani Shinyanga, mbele ya Hakimu Mkazi Mfawidhi wa Mahakama ya Wilaya ya Kahama Mhe. Edmund Kente.
Washitakiwa ni Bw. MICHAEL AUGUSTINO MATOMOLA, aliyekuwa Mkurugenzi Mtendaji WA Halmashauri ya Ushetu kwasasa ni Mkurugenzi Mtendaji wa Halmashauri ya Iramba na wenzie sita.
Kesi hiyo inaendeshwa na Waendesha Mashtaka wa TAKUKURU, SIMON MASHINGIA na JANE MBUGE, ambao waliwasomea hoja za awali za mashtaka ya kuisababishia hasara Halmashauri ya Wilaya ya Ushetu ya kiasi cha shs. 138,276,250/- katika ya kipindi cha mwaka 2019.
Makosa haya yanadaiwa kutendeka wakati washtakiwa walipokuwa watumishi wa Halmashauri ya Ushetu.
Washtakiwa watano wamekana mashitaka na wameshindwa kutimiza masharti ya dhamana wamepelekwa mahabusu.
Aidha watuhumiwa wawili ambao ni Nicodemus Claude Sengo (Alichelewa kufika kwasasa yupo mahabusu) na Hussein Mustapha Kinjanga hajapatikana hivyo Ofisi inaendelea kumtafuta ili aweze kuunganishwa na wenzie.
Kesi imeahirishwa hadi Januari 17, 2023 kesi itakapokuja kwa ya kusoma hoja za awali (pH)
