JIVUNIE UNAPOSEMA ‘SIRUBUNIKI KWA RUSHWA.’

 

 

Sidebar

Aliyekuwa Mkuu wa chuo cha Uhasibu Arusha ahukumiwa kwenda jela

Mahakama ya Hakimu Mkazi Arusha imemhukumu kwenda jela mwaka mmoja au kulipa faini ya TSh.1.5000,000/= aliyekuwa Mkuu wa Chuo cha Uhasibu Arusha (IAA), Profesa Johanes Monyo, baada ya kumkuta na hatia ya kosa la kutumia vibaya mamlaka yake kwa  kutoa ajira kwa Chacha Wambura kinyume na sheria za utumishi wa Umma.

Hukumu hiyo ilitolewa na Mahakama tarehe 15/11/2016 mbele ya Hakimu Mfawidhi Mheshimiwa Agustino Rwezile katika shtaka la Jinai namba 18/2015 lililokuwa linaendeshwa na waendesha mashtaka wa TAKUKURU Violet Machary, Monica Kijazi na Hamidu Simbano.

Mshtakiwa alikutwa na hatia na mahakama katika kosa  la kutangaza  na kuajiri nafasi ya Afisa Raslimali Watu bila ya kuwa na kibali cha Idara ya Utumishi kinyume na Kifungu cha 29(1) cha Sheria ya Utumishi wa Umma Na.8/2007 kitendo kilichopelekea Chacha Wambura kujipatia manufaa ya ajira na mshahara asiostahili.

Mshtakiwa alilipa faini ya TSh.1, 500,000/= na kujinasua kwenda kutumikia kifungo cha mwaka mmoja jela katika gereza la Kisongo, Arusha.